админ, 7 сарын 23, 2024
Ажил мэргэжлийн стандарт боловсруулах
зөвлөх байгууллага
Дугаар: ОБҮДХЭТ/
Ажлын зорилго
Зорилго
Энэхүү ажил нь “Эрэлтэд нийцсэн ур чадвар олгох хөтөлбөрийг хэрэгжүүлэх удирдамж”-ид тодорхойлсон хөдөлмөрийн зах зээл дээр эрэлттэй байгаа 20 мэргэжлээр ажил мэргэжлийн стандарт боловсруулах/ шинэчлэн сайжруулах зорилготой.
Ажлын хамрах хүрээ
- Зөвлөх компани 20 ажил мэргэжлийн стандартыг Хөдөлмөр, нийгмийн түншлэлийн гурван талт үндэсний хорооны 2022 оны 04 дүгээр тогтоолоор баталсан “Ажил мэргэжлийн стандарт боловсруулах аргачлал”-ын дагуу боловсруулах/ шинэчлэх ажлыг инженер, техникийн ажилтан, ажил олгогч, мэргэжлийн холбоо, зөвлөлийн төлөөллийг оролцуулан гүйцэтгэх;
- Шинээр боловсруулсан/ шинэчилсэн ажил мэргэжлийн стандартыг танилцуулж хэлэлцүүлэх 2 удаагийн уулзалт, хэлэлцүүлгийг холбогдох төрийн болон төрийн бус байгууллага, хувийн хэвшил болон бусад оролцогч талуудыг оролцуулан зохион байгуулах;
- Уулзалт, хэлэлцүүлэгт оролцогчид болон ХНХЯ, ТХН-ийн санал, зөвлөмжийг тусган ажил мэргэжлийн стандартыг сайжруулж, эцэслэх;
- Боловсруулсан/ шинэчилсэн ажил мэргэжлийн стандартад Хөдөлмөр, нийгмийн хамгааллын сургалт, үнэлгээ, судалгааны институтээр дүгнэлт гаргуулж, Хөдөлмөр эрхлэлтийн үндэсний зөвлөлөөр батлуулахад дэмжлэг үзүүлэх.
Зөвлөхийн ажлын туршлага, танилцуулга
Зөвлөх баг 4-өөс доошгүй мэргэжлийн гишүүнтэй байна.
Зөвлөх компанид тавигдах шаардлага:
- Албан ёсны бүртгэлтэй аж ахуйн нэгж, байгууллага/ төрийн бус байгууллага;
- Ажил олгогчийн эрх, хууль ёсны ашиг сонирхлыг төлөөлөн хамгаалах байгууллага байх;
- Ажил мэргэжлийн стандарт боловсруулж байсан туршлагатай байх;
- Холбогдох үндэсний хууль тогтоомж, практик, олон улсын ажил мэргэжлийн стандартын талаар өндөр мэдлэгтэй байх;
- Ажил мэргэжлийн стандарт боловсруулахад мэргэжлийн холбоод, зөвлөл, ажил олгогчидтой нягт хамтарч ажилласан туршлагатай байх.
Санал ирүүлэх
1) Зөвлөх байгууллагын ажлын туршлагыг багтаасан товч танилцуулга;
2) Багийн гишүүдийн СV, боловсролын гэрчилгээний хуулбар;
3) Ижил төстэй ажлын туршлагыг нотлох гэрээ тодорхойлолт;
Өмнө нь Дэлхийн банк болон бусад олон улсын донор байгууллагуудтай хамтран ажиллаж байсан туршлагатай бол давуу тал болно;
Мэдүүлгээ ирүүлэх хүсэлтэй байгууллага нь зөвлөх үйлчилгээг гүйцэтгэх чадвартайг нотлох дараах баримт бичгийг 2024 оны 8 дугаар сарын 08-ний өдрийн 11.00 цагт хэвлэмэл (цаасаар) хэлбэрээр мөн procurement@meresp.mn хаягаар файлаар Онцгой байдлын үеийн дэмжлэг болон хөдөлмөр эрхлэлтийн төслийн байранд битүүмжилж ирүүлнэ. Зөвлөх үйлчилгээний ажлын даалгаврыг www.mlsp.gov.mn; www.meresp.mn цахим хуудаснаас авна уу.
Ажлын даалгаварыг эндээс авна уу.
Нэмэлт мэдээллийг ажлын өдөр 09:00-17:00 цагийн хооронд доорх хаягаар ирж авна уу.
Төсөл хэрэгжүүлэх нэгжийн хаяг:
Монгол Улс, Улаанбаатар хот, Сүхбаатар дүүрэг, 8-р хороо, Ерөнхий Сайд С.Амарын гудамж, Сан бизнес центр, 501 тоот -Онцгой байдлын үеийн дэмжлэг болон хөдөлмөр эрхлэлтийн төсөл,
Утас: +(976)-75057570