Гэр бүл, хөдөлмөр, нийгмийн хамгааллын яам, Дэлхийн банкны санхүүжилтээр хэрэгжиж байгаа "Онцгой байдлын үеийн дэмжлэг болон хөдөлмөр эрхлэлтийн төсөл"-ийн 2024 оны хэрэгжилт, үр дүн, 2025 оны үйл ажиллагааны төлөвлөлтийн саналыг хэлэлцэхээр Дэлхийн банкны томилолтын баг Монгол улсад 2024 оны 12-р сарын 9-13-ны өдрүүдэд ажиллалаа.

Дэлхийн банкны эдийн засагч бөгөөд төслийн удирдагч Ян Хуан, Эдийн засагч Наталья Миллан, Нийгмийн хамгааллын ахлах мэргэжилтэн Н.Монголмаа нар томилолтоор ажиллах хугацаанд төслийн 4 үндсэн зорилтын хүрээнд хэрэгжүүлсэн үйл ажиллагаа, үр дүн, санал зөвлөмж, цаашид хэрэгжүүлэх үйл ажиллагааны талаар танилцаж, санал солилцон ажиллав.